ក្រុមអ្នកឃ្លាំមើលហ្វូងផ្កាយរបស់សហរដ្ឋអាមេរិក Minor Planet Centerបានឱ្យដឹងថា ក្នុងរយៈពេលមួយសប្ដាយនេះ អាចម៍ផ្កាយមួយដុំមានទំហំធំជាងយន្តហោះយក្ស Antonov An-225 Mriya
ដែលធ្លាប់បានធ្វើដំណើរឆ្លងកាត់ភពផែនដីយើង
កាលពីអំឡុងពេលយ៉ាងតិចពីរសតវត្សរ៍កន្លងទៅនេះ បានចាប់ផ្ដើមជាថ្មីទៀតហើយ
គឺវាហោះមកកាត់ផែនដីរយៈចម្ងាយត្រឹម ២០៣,០០០គីឡូម៉ែត្រ ស្មើនឹងជាងពាក់កណ្តាលនៃចម្ងាយរវាងភពផែនដី និងឋានព្រះចន្ទ។
គួរបញ្ជាក់ថា ក្រុមតារាវិទូបានធ្វើការប៉ាន់ប្រមាណថា ទំហំអាចម៍ផ្កាយ 2010 WC9 នេះ មានមុខកាត់អាចចន្លោះពី ៣៨ម៉ែត្រ ទៅ១១៩ម៉ែត្រ គឺអាចធំប៉ុនរូបសំណាកនារីសេរីភាព Statue of Liberty នៃទីក្រុងញូយ៉ក របស់សហរដ្ឋអាមេរិក អាចម៍ផ្កាយនេះ , វាត្រូវបានគេប្រទះឃើញកាលពីថ្ងៃទី៣០ ខែវិច្ឆិកា ឆ្នាំ២០១០។
បើតាមការផ្សាយរបស់ទីភ្នាក់ងារព័ត៌មានចិន
ស៊ីនហួរ នៅព្រឹកថ្ងៃព្រហស្បតិ៍ ទី១៧ ខែឧសភា ឆ្នាំ២០១៨បង្ហាញថា
ក្រុមមជ្ឈមណ្ឌលឃ្លាំមើលអាចម៍ផ្កាយ និងផ្កាយដុះកន្ទុយរបស់សហរដ្ឋអាមេរិក
Minor Planet Center និយាយថា អាចម៏ផ្កាយមួយដុំនេះ មានឈ្មោះថា 2010 WC9
បានហោះកាត់ផែនដីនាវេលាម៉ោងយប់ថ្ងៃអង្គារសប្តាហ៍នេះ (ប៉ុន្មានថ្ងៃមុន)
គឺជាចម្ងាយកៀកបំផុត ខណៈវាធ្វើដំណើរក្នុងល្បឿន ១២.៨គីឡូម៉ែត្រ
ក្នុងមួយវិនាទី៕
No comments:
Post a Comment